تبيني اعتذر آسف لكن وش هي الزله

من طرف **عبود راكـ** الثلاثاء سبتمبر 08, 2009 7:54 am

تبيني / اعتذر /؟ ( آسف )، لكن وش هي الزله ؟؟!!

تراني كنت متوقعه تصدق هرج خلق الله
ولكن ما توقعتك تسولف بي لعذالك!!

تبي تنساني..؟ / إنساني /.. فداك اللي مضىكله
يجوز أحيا من فراقك مدامي ميِت بوصالك !!

ترى ما يجحد الواقع سوى خلٍ نسى خله
مثل ما تجحد عيوني حنينٍ حيل يظما لك

مع أني عارفه ما أحدٍ يداوي غيرك العله
أسج بحالي لحالي لجل ما ينبري حالك!!

وأكابر من خطا نفسي وأزيد الجرح و أبله
وأتحاول في عبث مضحك أدور غير همالك

حبيبي حتى لو زولي من غيابك فقد ظله
كفاية شمسك اليا اليوم تنسج حولي ظلالك

تبيني / اعتذر /؟ ( آسف )، لكن وش هي الزله ؟؟
تبيني أجرحك؟ حاضر أنا همك وغربالك

مدام أني سبب دمع حزين ناظرك هله
فعساني يا بعد عيني اجل ما اطري على بالك !!

وإذا قالوا لك إن قلبي من فراقك نزف غله
قل إن: مابه بلا ! عسى درب السعد فالك

وأنا والله وثم والله وثم والله وثم والله
لا سوي ما تبي لأجل بس تحقق آمالك

ولكن قبل ما تبعد وتنسى ما مضى كله
أمانه بس علمني وش اللي غير أحوالك!!